Det struttar i vassmagasina til Tussa, som sist veke hadde eit tilsig på meir enn 250 prosent av normalen. (Foto: Tussa)
250 prosent meir enn normalt
Tussa sine vassmagasin er fulle eller snart fulle. Den siste veka har kombinasjonen snøsmelting og nedbør gitt tilsig til magasina på 250 % av normalen.
onsdag 17. oktober 2018 - 08:07
Kelde: Tussa
Fleire av Tussa sine magasin renn no over, og størst har overløpet vore i Tyssevatnet. I helga var det 60 cm overløp, noko som gjorde Tussafossen på Bjørke rekordstor.
Også i Austefjordvassdraget, Ørstavassdraget og Ulsteinvassdraget har det vore fullt i lengre tid, med overløp i kraftverka Kopa, Kolfossen, Vatne, Bjørdal og Ulsteindalen.
Måndag føremiddag gjekk Tussa sine 21 vasskraftverk framleis for fullt etter ei helg med storproduksjon av kraft.
